Nümayişçilər hökumət binasının qarşısına toplaşaraq baş nazirin istefasını tələb ediblər. Etirazçılar korrupsiyada ittiham edilən baş nazirin ofisinə “Molotov kokteyli” atıblar. Polis etirazçılara qarşı göz yaşardıcı qazdan istifadə edib. Toqquşma zamanı ən azı bir nəfər yaralanıb.
Etirazlar ölkədə korrupsiya və siyasi böhranın artdığı bir dövrə təsadüf edir. Baş nazir Edi Rama uzun illərdir iqtidarda olsa da, son illərdə onun hökuməti ilə bağlı korrupsiya iddiaları və iqtisadiyyatdakı problemlər narazılığı artırıb.
Analitiklər hesab edirlər ki, bu hadisələr Albaniyanın Avropa İttifaqına inteqrasiya prosesinə də mənfi təsir göstərə bilər. Əvvəllər korrupsiya və demokratik idarəçilik məsələləri Brüssel tərəfindən dəfələrlə tənqid olunub.
Etirazların miqyası və gücü hələ də dəqiq qiymətləndirilmir, lakin müxalifət liderləri daha çox kütləvi aksiyalar planlaşdırdıqlarını bəyan ediblər. Polis və təhlükəsizlik qüvvələri paytaxta nəzarəti gücləndirib.
Röya Əliyeva
AzVision.az
Albaniyada hökumətə qarşı kütləvi etirazlar başlayıb | VİDEO
23 Mart 2026
Oxunub:2025
Albaniyanın paytaxtı Tiranada baş nazir Edi Ramaya qarşı etirazlar kəskinləşib. Bu barədə yerli nəşrlər məlumat yayıb.
Teqlər:
Vaxtında, Aydın, Lazımlı!
